DISKARIL ANG EXPRESS Hindi nakaporma sa B-Meg

Mga laro bukas: (Araneta Coliseum)
5:00 p.m. --- Meralco Bolts vs San Miguel Beer
7:30 p.m. --- Smart Gilas Pilipinas vs Alaska

Dinomina agad sa si­mula, walang awang minasaker ng B-Meg Derby Ace ang Air21, 121-92, sa pamamaalam na laro ng tatlong bagitong sina Noy Baclao, Rabeh Al-Hussaini at Rey Guevarra, sa 11th PBA Commissioner’s Cup elims sa Cuneta Astrodome sa Pasay City.


Naging mukha ni Jeremy Robinson ng Air21 ang bola na nabitiwan ng kakamping si Rabeh Al-Hussaini matapos tapikin ni Niño Canaleta ng Derby Ace, sa PBA Commissioner’s Cup kagabi sa Cuneta Astrodome. (Mike Taboy)

Ilang saglit matapos ang digmaan kagabi kung saan ang 2010 No. 1-2-3 picks na sina Baclao, Al-Hussaini at Guevarra, ay mga tumapos ng 8 at 17 points habang ang huli ay bokya, inaprubahan ni league commissioner Chito Salud ang paglipat ng tatlo kapalit nina Danny Seigle, Dorian Peña, Dondon Hontiveros at Paul Artadi sa nirebisang trade package kamakalawa ng San Miguel Beer. Unang inialok sina Seigle, Mick Pennisi at Joseph Yeo na ‘di inaprubahan noong Lunes ni Salud.


“I find this revised trade has acceptable,” bulalas ni Salud sa bagong listahan ng San Miguel matapos tanggihan niya ang 3-on-3 swap na aniya’y lubhang pumapabor lamang sa SMB. “This (revised trade) is not one-si­ded and fair for both teams.”


“This is the right time to rebuild the San Miguel Beer Team.

So with this in mind, the trade with Air 21 Express will be the important first step for us to ensure the continuing success of the San Miguel Beer franchise,” komento naman ni SMB coach Ato Agustin.


Sa panig ni Air21 owner Bert Lina, “In any trade, there is always a risk but we see that this will be beneficial to both parties in the long run. We are looking forward to gaining the services of young players from the coming rookie draft by virtue of the two first round picks we got from Meralco and Talk ‘N Text in previous trades.”


Lima sa Llamados ang mga kumabig ng 12 puntos pataas sa pag-angkla ni James Yap na may 28 at Marc Pingris na may 12 bukod pa sa 12 rebounds sa pag-ahon ng kampo sa magkasunod na taob at itulak ang Express sa 1-1.

source: abante